Ministerstva ŭnutranych spraŭ uniesła ŭ Saviet Ministraŭ prajekt ukaza pa abmiežavańni prodažu ałkaholu, paviedamili ŭ pres-słužbie MUS Biełarusi.
«Prajekt ukaza praduhledžvaje adziny čas realizacyi ałkaholnych napitkaŭ (z 9.00 da 22.00) i zabaronu handlu ŭ mahazinach, jakija nie majuć adasoblenych tavarnych adździełaŭ. «Zabarona budzie ŭvodzicca tolki dla mahazinaŭ, čyja płošča składaje 400 kv.m i bolš», — adznačyli ŭ MUS.
Jak zajaŭlaŭ raniej namieśnik načalnika ŭpraŭleńnia prafiłaktyki hałoŭnaha ŭpraŭleńnia achovy pravaparadku i prafiłaktyki milicyi hramadskaj biaśpieki MUS Siarhiej Krasucki, pryniaćcie ŭkaza nie pryviadzie da pavieličeńnia prodažaŭ kantrafaktnaha ałkaholu ŭ krainie.
«Užo vypracavanyja ŭsie nieabchodnyja miechanizmy dla baraćby ź nielehalnym handlem ałkaholem. Siońnia nazirajecca tendencyja da taho, što nielehalny abarot ałkaholu skaračajecca», — skazaŭ jon.
