Cana na rasijski haz dla Biełarusi pakul zachoŭvajecca na ŭzroŭni 132 dalary za tysiaču kubamietraŭ, zajaviŭ premjer-ministr Andrej Kabiakoŭ u intervju telekanału «Mir».
«Cana takaja jak jość — 132», - skazaŭ Kabiakoŭ, adkazvajučy na pytańnie pra canu na rasijski haz.
«Ale nam padychodziać inšyja pryniatyja spadarožnyja rašeńni», - dadaŭ jon.
Kiraŭnik biełaruskaha ŭrada adznačyŭ, što hazavuju sprečku ŭdałosia vyrašyć, hruntujučysia na damoŭlenaściach, dasiahnutych u ramkach Jeŭrazijskaha ekanamičnaha sajuza (JeŭrAzES).
«My znajšli vychady, pierš za ŭsio ŭ padychodach, zychodziačy z tych pahadnieńniaŭ, jakija padpisany ŭ ramkach Jeŭrazijskaha ekanamičnaha sajuza. My pavinny vyjści u 2019 hodzie na adziny rynak elektraenierhii, ŭ 2025 hodzie - na adziny rynak nafty i hazu», - skazaŭ jon.
U 2016 hodzie pamiž Biełaruśsiu i Rasijaj razhareŭsia naftahazavy kanflikt. U suviazi z suśvietnym padzieńniem cenaŭ na enierhanośbity Minsk ličyć spraviadlivaj canu ŭ 73 dalary za 1000 kubamietraŭ. Z hazavym pytańniem, a taksama zapazyčanaściu ŭ pamiery 300 młn dołaraŭ ŭviazali i skaračeńnie pastavak nafty ŭ Biełaruś.
Mierkavałasia, što ŭsie pytańni pa zapazyčanaści, cana na haz i pastaŭkach nafty buduć začynienyja padčas vizitu Dźmitryja Miadźviedzieva ŭ Minsk.