Hurt Brutto ź vialikim pośpiecham pravioŭ svoj pieršy kancert u Biełarusi paśla piaci hadoŭ zabarony.
Amal try tysiačy čałaviek hučna śpiavali novyja pieśni i ŭvachodzili ŭ ekstaz ad starych chitoŭ jašče «Lapisa Trubiackoha».
Hladzicie padborku najlepšych momantaŭ z kancerta Brutto u Homieli ŭ videarepartažy NN:
Hurtu Brutto ŭpieršyniu dazvolili vystupić u Biełarusi. Z 2010 hoda frantmien kalektyva Siarhiej Michałok znachodziŭsia ŭ nieaficyjnym «čornym śpisie» i nie moh śpiavać u Biełarusi. U vyniku ŭ mai 2015 hoda jon atrymaŭ vid na žycharstva va Ukrainie.
Na kancert u Homieli 29 kastryčnika pradali 3000 biletaŭ. Jany kaštavali ad 32 da 75 rubloŭ.
Brutto pakazaŭ svaju novuju prahramu Double Hot, u jakuju ŭvajšli treki z albomaŭ «Rodny kraj» i Underdog, a taksama ŭlubionyja pieśni «Lapisaŭ» za apošnija dziesiać hadoŭ.
Voś poŭnaje videa kancerta: