Rasiju nie pieraabrali ŭ Radu pa pravach čałavieka AAN pa vynikach hałasavańnia Hienasamblei AAN. Uschodniuju Jeŭropu buduć pradstaŭlać Vienhryja i Charvatyja, paviedamlaje VVS.
Pa vynikach hałasavańnia za Vienhryju było padadziena 144 hałasy, za Charvatyju — 114 hałasoŭ, za Rasiju — 112. Hetyja try krainy pretendavali na dva miescy ad ŭschodniejeŭrapiejskaha rehijonu.
Raniej bolš za 80 pravaabarončych arhanizacyj zaklikali krainy — siabry AAN prahałasavać suprać udziełu Rasii ŭ Radzie z-za taho, što Maskva akazvaje vajennuju padtrymku režymu siryjskaha prezidenta Bašara Asada.
Arhanizacyja Human Rights Watch zajaŭlała, što pieravybrańnie Rasii i Saudaŭskaj Aravii moža asłabić namahańni Rady pa pryciahnieńni vinavatych da adkaznaści.
Pry hetym Siryja była pieraabranaja ŭ Radu razam z Kitajem, palityka jakoha taksama była krytykavanaja pravaabaroncami.
U aŭtorak Kreml paraiŭ pravaabaroncam, jakija vystupili za vyklučeńnie Rasii sa składu orhana, bolš aktyŭna procidziejničać terarystam.
