Dziaržpošlinu i štrafy pa sudovych spravach u bližejšy čas možna budzie apłacić praz ARIP. Takaja infarmacyja raźmieščanaja na sajcie Viarchoŭnaha suda (VS) Biełarusi pa vynikach internet-kanfierencyi z udziełam namieśnika staršyni VS, staršyni sudovaj kalehii pa ekanamičnych spravach Vasila Dziemidoviča.
«U bližejšy čas budzie realizavanaja mahčymaść vypłaty dziaržaŭnaj pošliny, štrafaŭ pa sudovych spravach praz aŭtamatyzavanuju infarmacyjnuju sistemu Adzinaj raźlikovaj i infarmacyjnaj prastory (AIS ARIP)», — havorycca ŭ paviedamleńni.
Na praciahu 2017 hoda płanujecca ŭkaranić sistemu padačy dakumientaŭ u ekanamičnyja sudy ŭ elektronnym vyhladzie, a taksama realizavać dostup da banka danych sudovych pastanoŭ pa ekanamičnych spravach.
Što tyčycca arhanizacyi tranślacyj sudovych pasiadžeńniaŭ u internecie, hetaje pytańnie ciapier nie razhladajecca. Razam z tym Viarchoŭny sud prymaje miery da ŭkaranieńnia sučasnych technałohij u paŭsiadzionnaj dziejnaści sudoŭ. Naprykład, pravodziacca raboty pa madernizacyi internet-partała sistemy sudoŭ ahulnaj jurysdykcyi.
