Pres-sakratar prezidenta Rasii Dźmitryj Piaskoŭ spadziajecca, što bajkier Chirurh (Alaksandr Załdastanaŭ) paprosić prabačeńnia pierad režysioram Kanstancinam Rajkinym, paviedamlaje VVS.
Getty
«Ja liču, što prosta čort padbiŭ hetaha matacyklista, jaki jaho (Kanstancina Rajkina) abraziŭ. Ja spadziajusia, što jon paprosić prabačeńnia», — skazaŭ Piaskoŭ žurnalistam.
Piaskoŭ adznačyŭ, što da talentu Rajkina ŭ Kramli staviacca «ź biaźmiežnaj pavahaj».
Raniej lidar «Načnych vaŭkoŭ» pa mianušcy Chirurh abvinavaciŭ Rajkina ŭ sprobie pieratvaryć Rasiju ŭ «ściokavuju kanavu».
«Djabał zaŭsiody spakušaje svabodaj! A pad vyhladam svabody hetyja rajkiny chočuć pieratvaryć krainu ŭ ściokavuju kanavu, pa jakoj płyŭ by brud», — zajaviŭ Załdastanaŭ.
Jon paabiacaŭ zrabić usio, kab abaranić rasijan «ad amierykanskaj demakratyi, niahledziačy na ŭsie ich represii suprać svabody, jakija jany raspaŭsiudžvajuć pa ŭsim śviecie».
24 kastryčnika mastacki kiraŭnik teatra «Satyrykon» Kanstancin Rajkin vystupiŭ na siomym źjeździe Sajuza teatralnych dziejačaŭ Rasii z emacyjnaj pramovaj, u jakoj zajaviŭ, što mastactva znachodzicca pad uciskam pry papuščalnictvie ŭładaŭ.
U sieradu Dźmitryj Piaskoŭ prakamientavaŭ vystup Rajkina, zajaviŭšy, što dziaržava maje prava «paznačać temy» tvoraŭ mastactva, za stvareńnie jakich płacić.
