Ministr zamiežnych spraŭ Malty Džordž Veła zajaviŭ vydańniu Times of Malta, što jaho kraina nie dazvolić dazapravicca ŭ svaich partach ni adnamu rasijskamu karablu, piša ria.ru.
Dover-Marina.com
Pry hetym jon nie ŭdakładniŭ, ci pastupaŭ ad Rasii zapyt na zachod karabloŭ na dazapraŭku.
U MZS Malty paćvierdzili, što ŭłady hetaj krainy nie buduć «dazapraŭlać jakija-niebudź rasijskija karabli, jakija znachodziacca ŭ Mižziemnym mory».
Raniej były načalnik hałoŭnaha štaba VMF Rasii admirał Viktar Kraŭčanka zajaviŭ, što nastupnaja dazapraŭka palivam hrupy rasijskich karabloŭ na čale z avijanoscam «Admirał Kuźniacoŭ» moža adbycca ŭ Mižziemnym mory ŭ rajonie Malty ad tankiera Čarnamorskaha fłotu. Pry hetym jon nahadaŭ, što ŭ składzie hrupy znachodzicca tankier Paŭnočnaha fłota ŭ jakaści pastajannaha reziervu na vypadak nadzvyčajnaj situacyi.
Ministerstva abarony Rasii ŭ sieradu abvierhła infarmacyju ab płanavanym zachodzie na dazapraŭku ŭ ispanski port Sieuta krejsiera «Admirał Kuźniacoŭ».
Jak paviedamiŭ aficyjny pradstaŭnik ministerstva hienierał-major Ihar Kanašenkaŭ, viedamstva nie nakiroŭvała nijakich zapytaŭ ispanskim uładam ab zachodzie «Admirała Kuźniacova» dla praviadzieńnia dazapraŭki. Pavodle jaho słoŭ, rasijskaja karabielnaja avijanosnaja hrupa poŭnaściu zabiaśpiečanaja nieabchodnymi resursami dla vykanańnia zadač u dalokaj akijanskaj i marskoj zonie ŭ aŭtanomnym režymie.
