Žaŭniery padčas bajavych dziejańniaŭ mohuć być vyzvalenyja ad vykonvańnia Jeŭrapiejskaj kanviencyi pa pravach čałavieka, piša independent.co.uk.
Urad Vialikabrytanii ličyć, što praźmiernyja jeŭrapiejskija patrabavańni stvarajuć umovy, u jakich žaŭniery vymušanyja praźmierna ryzykavać svaim žyćciom i zdaroŭjem.
Brytanski žaŭnier u Afhanistanie. Fota independent.co.uk
Da taho ž postfaktum žaŭniery i dziaržava ŭ cełym robiacca achviarami šmatmiljonnych pozvaŭ u sud.
«Tyja, chto słužyć na pieradavoj, pavinny mieć našu padtrymku, kali jany viartajucca damoŭ», — zajaviła premjer-ministr krainy Tereza Mej.
Admova ad padparadkavańnia vajskoŭcaŭ Jeŭrapiejskamu sudu pa pravach čałavieka (JESPČ) nie značyć, što jany nie pavinny buduć vykonvać patrabavańni mižnarodnaha humanitarnaha zakanadaŭstva, u tym liku Ženieŭskaj kanviencyi.
Z 2004 hoda Ministerstva abarony Vialikabrytanii vymušanaje było zapłacić bolš za £100 młn u vyhladzie štrafaŭ pa spravach, jakija razhladaŭ JESPČ.
U 2015 hodzie Ukraina pryniała rezalucyju, zhodna ź jakoj nie moža harantavać vykanańnie niekatorych mižnarodnych abaviazkaŭ u śfiery praŭ čałavieka na terytoryi Kryma i asobnych rajonaŭ Danieckaj i Łuhanskaj abłaściej «da poŭnaha spynieńnia ŭzbrojenaj ahresii Rasijskaj Fiederacyi».
