U Minsku zafiksavany vypadki padzieńnia dreŭ, paviedamiŭ vykonvajučy abaviazki pres-sakratara Minskaha haradskoha ŭpraŭleńnia MNS Alaksandr Papko.
Siońnia ŭ stalicy nazirajecca intensiŭnaje vypadańnie apadkaŭ u vyhladzie daždžu, a taksama ŭzmacnieńnie vietru da 18 m/s. Na padstavie infarmacyi, atrymanaj ad hidramietcentra, mocnyja apadki i mocny paryvisty viecier da 20 m/s zachavajecca da ranicy 26 kastryčnika.
U vyniku niespryjalnych umoŭ nadvorja ŭ Minsku byli zafiksavany vypadki padzieńnia dreŭ. Paciarpiełych niama.
Na zdareńniach, jakija patrabujuć apieratyŭnaj likvidacyi, byli zadziejničany padraździaleńni MNS. Adno z takich zdareńniaŭ adbyłosia pa vuł. Fohiela. U vyniku karotkačasovaha paryvu vietru adbyłosia padzieńnie dreva na dva pryparkavanyja aŭtamabili na ŭnutrydvarovaj terytoryi. Lehkavyja aŭtamabili atrymali niaznačnyja miechaničnyja paškodžańni.
Kab paźbiehnuć takich zdareńniaŭ, MNS rekamienduje parkavać aŭtamabili udalečyni ad dreŭ i słaba ŭmacavanych kanstrukcyj.
