U ministerstvie adukacyi i navuki RF nazvali niedapuščalnymi hreblivyja zajavy pra Rasiju, padobnyja toj, jakuju zrabiła dačka čačenskaha miljaniera Musy Bažajeva, paviedamlaje VVS. 22-hadovaja studentka MDIMA Elina napisała ŭ sacsietkach, što joj «usiudy lepš čym u rašcy».
Viasielle Eliny i Biekchana, syna viadomaha čačenskaha biznesmiena Alichana Mamakajeva. Sukienka niaviesty kaštavała $300 000. Fota nordportal.ru
«Takija słovy i pavodziny źjaŭlajucca niedapuščalnymi. My vitajem rašeńnie rektara VNU razabracca z hetym pytańniem asabista i pravieści tłumačalnuju hutarku ź dziaŭčynaj», — zajaviŭ pres-sakratar ministra adukacyi.
Raniej rektar MDIMA Anatol Tarkunoŭ paabiacaŭ pravieści ź dziaŭčynaj vychavaŭčuju hutarku. «My jaje raspytajem, što jana mieła na ŭvazie. Tamu što mnie heta niezrazumieła», — zajaviŭ jon u intervju.
Elina Bažajeva zrabiła skandalnaje vykazvańnie pra Rasiju, adkazvajučy na pytańni ŭ sacsietcy ask.fm. «Usiudy lepš čym u rašcy», — adkazała dziaŭčyna na pytańnie pra toje, dzie joj bolš padabajecca — u Rasii ci ŭ ZŠA, dzie jana praviała miadovy miesiac. Akramia taho, dziaŭčyna dadała, što joj stanovicca kiepska pry dumcy pra Maskvu.
Paźniej dačka miljaniera pryniesła prabačeńni, abvinavaciŭšy žurnalistaŭ u tym, što jany ŭbačyli ŭ jaje replicy nieluboŭ da radzimy, u toj čas jak jana ŭsiaho tolki skardziłasia na nadvorje i zatory.
Elina — dačka prezidenta «Hrupy Aljans» i saŭładalnika kampanii «Ruskaja płacina» Musy Bažajeva. Časopis Forbes aceńvaje jaho majomaść u 500 młn dalaraŭ.
