Alaksandr Łukašenka daručyŭ adpracavać varyjanty dadatkovaj padtrymki biednych hramadzian. Pra heta jon zajaviŭ siońnia, pryznačajučy kiraŭnikoŭ miascovaj viertykali ŭłady.
«Pahladzicie, pa zarpłacie ciapier prablem šmat. Nam treba, darečy, u Administracyi, va ŭradzie padumać, jak padtrymać ludziej biednych, - skazaŭ kiraŭnik dziaržavy. - Treba padtrymać i pa zarpłacie, i pa niejkich dapamohach, i hetak dalej».
Jon padkreśliŭ, što, apierujučy asieradnionymi pakazčykami, nielha zabyvać ab tych, chto znachodzicca ŭ vielmi składanym stanoviščy. «Tut treba niešta rabić, nielha kryŭdzić ludziej. Ci dahružać ich, prapanoŭvać pracu na kožnym pradpryjemstvie i adpaviedna dapłačvać. Rabotniki kultury, sacyjalnaj śfiery — ich treba padtrymać. Jak heta zrabić, treba padumać», - zajaviŭ Alaksandr Łukašenka.
Jon padkreśliŭ, što ŭ hetym pytańni rynak ničoha nie adrehuluje. «My pavinny ŭnikać u kožnaje pytańnie i dapamahać ludziam. Biez vas (kiraŭnikoŭ miascovaj viertykali) nie abydziemsia ni ja, ni Administracyja, ni ŭrad. Heta vam pryjdziecca ŭsio rabić, bolš za toje, vy prapanovy pavinny ŭnosić. Tamu budźcie bolš aktyŭnymi», - daručyŭ Łukašenka.
