Kampanija Twitter rychtuje novaje masavaje skaračeńnie piersanału. Pa dadzienych ahienctva Bloomberg, buduć zvolnienyja vosiem pracentaŭ supracoŭnikaŭ — heta kala 300 čałaviek. Krynicy ahienctvy paviedamili, što aficyjna pra heta budzie abvieščana da kanca hetaha tydnia.
Bloomberg adznačaje, što akcyi Twitter za apošni hod patańnieli na 40 pracentaŭ. Pa hetaj pryčynie kampanii stała ciažej raspłačvacca akcyjami sa svaimi supracoŭnikami.
Pradstaŭnik Twitter admoviŭsia ad kamientaroŭ.
Twitter užo pravodziŭ masavaje skaračeńnie piersanału. U kastryčniku 2015 hoda było abvieščana ab zvalnieńni vaśmi pracentaŭ supracoŭnikaŭ.
U apošnija hady Twitter pieražyvaje padzieńnie papularnaści ŭ karystalnikaŭ i finansavyja straty. Z kampanijami The Walt Disney, Alphabet i Salesforce.com prachodzili pieramovy ab prodažy im Twitter, ale ŭsie jany admovilisia ad uhody.
