37-hadovy žychar Dubrovienskaha rajona K. užo nie adnojčy adbyvaŭ turemnyja terminy, u tym liku i za zabojstva. Znoŭ trapiŭšy na kradziažy, pasprabavaŭ syści ad pakarańnia. Spačatku abvinavaciŭ pažyłoha sudździu ŭ intymnaj suviazi z maładoj dziaŭčynaj-dziaržabvinavaŭcaj.
Potym haniebnuju historyju prydumaŭ dla śledčaha. A zatym papraknuŭ prakurora ŭ tym, što jana nibyta pryniała ad jaho chabar u košt prabačeńnia jaho pravinaŭ. I navat paśla taho, jak byŭ vyniesieny abvinavaŭčy prysud i recydyvistu pryznačyli čarhovy termin pazbaŭleńnia voli, K. praciahvaŭ vydumlać. Navat u turmie. Prakuror Dubrovienskaha rajona Jaŭhien Aŭcyn, jaki padtrymlivaŭ abvinavačańnie ŭ chodzie apošniaha sudovaha pracesu, raspavioŭ:
— Za karotki čas abvinavačvany napisaŭ niamała paklopaŭ ŭ raznastajnyja instancyi. Ale, jak toj kazaŭ, ciarpieńnie skončyłasia. Adbyŭsia novy sud. U jakaści paciarpiełych na im byli prakurorski rabotnik, śledčy i sudździa. Za ich publičnuju abrazu, a taksama za zaviedama łžyvaje paviedamleńnie ab ździajśnieńni ciažkaha złačynstva słužbovaj asobaj (chabarnictva) złačyniec atrymaŭ dadatkova jašče 5 hadoŭ źniavoleńnia. Ciapier K. praviadzie ŭ miescach pazbaŭleńnia voli ahułam 8 hadoŭ.
Prysud ustupiŭ u siłu.
