Napeŭna nie ŭsie maładziečancy viedajuć, što ž takoje «Kirmaš prajektaŭ» i navošta ŭ im ŭdzielničać.
Kirmaš prajektaŭ — heta dosyć novy farmat publičnych mierapryjemstvaŭ i ŭjaŭlaje saboj konkurs idej, jakija zdolnyja vyrašyć niejkija kulturnickija i/ci sacyjalnyja prablemy. Kampanija «Budźma biełarusami!» ładzić takija konkursy ŭ roznych haradach Biełarusi, kab dapamahčy žycharam horada znajści vyjście ŭ rašeńni važnych miascovych pytańniaŭ i kab žyćcio jaho žycharoŭ stała lepšym. Kali tak budzie ŭ kožnym haradku ci miastečku, lepšym stanie žyćcio i va ŭsioj krainie.
«Budźma biełarusami!» abjechała z «Kirmašami» Viciebsk, Mahiloŭ, Brest, Hrodna, Rahačoŭ i inšyja harady i miastečki Biełarusi. Dziakujučy hetamu farmatu mnohija cikavyja haradskija inicyjatyvy ździejśnilisia, ich inicyjatary paznachodzili adnadumcaŭ i dla realizacyi inšych cikavych prajektaŭ. Da prykładu, u hetym hodzie «Kirmaš prajektaŭ» u Viciebsku dapamoh uzbahacić Dzień horada i Dzień moładzi mnostvam admietnych padziej. Siarod ich — Letni markiet «Baradulinki», fiestyval aktyŭnaha adpačynku «Śviata vietru», turnir pa futbolnym frystajle «Vieža», pieršaja ahulnaharadskaja fotasuška, «Śpieŭny schod» i navat vuličnyja majstar-kłasy pa tancach. A ŭ Mahilovie źjaviłasia «Pałatno historyi ŭ styli hrafici», jakoje raskazvała pra najbolš značnyja histaryčnyja daty, a jašče inicyjatyŭnyja žychary horada ździejśnili litaraturny prajekt «Paezija ŭ mietro», čym pa atmaśfiery nablizili svoj horad da Łondana.
«Kirmaš prajektaŭ» — heta miesca, dzie vy zmožacie padzialicca svajoj idejaj ź nieabyjakavymi ludźmi, znajści adnadumcaŭ, jakija dapamohuć vam karysnymi paradami, važnymi suviaziami, niepasrednym udziełam u vašym prajekcie, a časam i finansava.
«Kirmaš prajektaŭ» — heta miesca, dzie źbirajucca kulturnickija prapanovy, ich aŭtary i krytyki. Udzieł u konkursie idej «Kirmaš prajektaŭ dla Maładziečna» — heta vydatny šaniec supolnymi vysiłkam zrabić svaju maru realnaściu, zrabić lubimy horad lepšym!
Dasyłajcie svaje idei na anłajn-kirmaš da 7 listapada 2016 hoda i dałučajciesia da konkursu!
Daviedki: +375297121803, [email protected].
