U Homieli mužčyna vyšturchnuŭ byłuju žonku z akna 7-ha paviercha. Pra heta paviedamiła aficyjny pradstaŭnik USK pa Homielskaj vobłaści Maryja Kryvanohava.
Jak adznačajecca, nadzvyčajnaje zdareńnie adbyłosia ŭ niadzielu ŭ 22:20.
36-hadovy mužčyna paśla svarki ŭ paryvie hnievu vyšturchnuŭ byłuju žonku z akna siomaha pavierchu prosta na vačach u ich małaletniaj dački, a paśla sam paviedamiŭ u milicyju pra zroblenaje.
U ciapierašni čas 38-hadovaja paciarpiełaja znachodzicca ŭ reanimacyi ŭ vielmi ciažkim stanie.
Na miescy zdareńnia z udziełam padazravanaha pravodziacca śledčyja dziejańni. Viadoma, što para i raniej časta svaryłasia, imavierna heta i stała pryčynaj ich razvodu. Razam z tym pražyvali byłyja muž i žonka razam.
Padazravany raniej byŭ sudzimy za naŭmysnaje pryčynieńnie lohkaha cialesnaha paškodžańnia.
Homielskim haradskim adździełam Śledčaha kamiteta zaviedziena kryminalnaja sprava za zamach na zabojstva, ździejśnienaje z asablivaj žorstkaściu.
