Nikałas Čembierlen. Fota: static.republika.co.id
Nikałas Čembierlen, jaki atrymaŭ san biskupa ŭ 2015 hodzie, skazaŭ, što ŭsie, chto dabrasłaŭlaŭ jaho paśviačeńnie, viedali pra jaho homaseksualnaść.
Anhlikanskaja carkva Brytanii ŭ apošnija hady źmiakčyła palityku ŭ dačynieńni da adnapołych šlubaŭ i źniała zabaronu na ŭźviadzieńnie hiejaŭ u biskupski san. Adnak zastajecca ŭ sile praviła, pa jakim biskupy mohuć nasić san tolki pry ŭmovie, što jany zachoŭvajuć zarok biasšlubnaści.
Čembierlen śćviardžaje, što nie parušyŭ carkoŭnych pryncypaŭ.
Sprečki pamiž carkoŭnymi libierałami, pabłažlivymi da adnapołaha hramadzianskaha partniorstva, i tradycyjanalistami, jakija ličać, što Biblija adnaznačna nie dapuščaje homaseksualizmu, pastavili Anhlikanskuju carkvu na miažu raskołu.
U Brytanii žorstkuju krytyku z boku mnohich anhlikan vyklikała ŭźviadzieńnie ŭ 2003 hodzie ŭ san biskupa śviatara-hieja Džefry Džona. U vyniku jon byŭ vymušany admovicca ad sanu.
U tym ža hodzie ŭ ZŠA vialiki skandał vyklikała paśviačeńnie ŭ biskupy Džyna Robinsana — pieršaha adkrytaha hamaseksualista siarod ijerarchaŭ amierykanskaj Jepiskapalnaj carkvy, jakaja ŭvachodzić u suśvietnuju Anhlikanskuju supolnaść.
U znak pratestu sotni prychodaŭ vyjšli sa składu Jepiskapalnaj carkvy i zasnavali novuju Anhlikanskuju carkvu ŭ Paŭnočnaj Amierycy. Paśla hetaha jepiskapalnaja carkva ZŠA ŭviała maratoryj na pryznačeńnie biskupami homaseksualistaŭ.
