Aŭtarytetnaje vydańnie «Fierhana» paviedamiła pra śmierć prezidenta Uźbiekistana Isłama Karymava. Pa infarmacyi krynic partała, śmierć adbyłasia ŭ 15-16 hadzin pa taškienckim časie (kala 13-14 hadzin pa biełaruskim).
Isłam Karymaŭ byŭ špitalizavany ŭ subotu ranicaj z-za mazhavoha krovaźlićcia.
Jon zajmaŭ pasadu prezidenta Uźbiekistana z sakavika 1990 hoda. U sakaviku 2015 hoda jon byŭ čarhovy raz pieraabrany na svaju pasadu. Na vybarach jon nabraŭ bolš za 90% hałasoŭ.
***
Krychu paźniej rasijskija ahienctvy sa spasyłkaj na krynicy ŭ aparacie prezidenta Uźbiekistana abvierhli pra śmierć Isłama Karymava. Nijakich aficyjnych zajaŭ uładaŭ Uźbiekistana z hetaj nahody nie pastupała.
«Jaho stan miedyki aceńvajuć jak stabilny», - skazała krynica ahienctva Interfaks. Takuju ž acenku stanu zdaroŭja Karymava dała krynica rasijskaha dziaržaŭnaha ahienctva RIA Naviny.
Ahienctva nie pryvodziać imiony svaich surazmoŭcaŭ.
Pres-sakratar rasijskaha prezidenta Dźmitryj Piaskoŭ nie paćvierdziŭ infarmacyju pra śmierć Karymava vydańniu Life.ru.
