Supracoŭniki staličnaj milicyi zatrymali mužčynu, jaki braŭ rovary ŭ punktach prakatu i pradavaŭ ich na rynku. U ciapierašni čas vyjaŭlena 10 faktaŭ prodažu arandavanych rovaraŭ, paviedamiła pres-aficer Centralnaha RUUS Taćciana Aboznaja.
«Raniej nieadnarazova sudzimy za majomasnyja złačynstvy 39-hadovy biespracoŭny minčuk afarmlaŭ na svajo imia damovy arendy rovaraŭ na termin ad hadziny da sutak. Paśla afarmleńnia dakumientaŭ mužčyna adjazdžaŭ na arandavanym transparcie naŭprost na staličny rynak i pradavaŭ za 80 rubloŭ. Hrošy vydatkoŭvaŭ na asabistyja patreby, u asnoŭnym na kuplu śpirtnoha», — udakładniła pres-aficer. Akramia taho, mužčyna prasiŭ znajomych aformić na ich imia damovu arendy i pieradać jamu rovar, tłumačačy, što da jaho ŭ hości pryjechali svajaki i jon choča ździejśnić ź imi viełaprahułki.
«Rabotniki punktaŭ prakatu z zajavami ŭ milicyju źviartalisia nie adrazu — sprabavali viarnuć rovar svaimi siłami. Telefanavali pa numary, jaki złamyśnik i jaho znajomyja pakidali ŭ damovie arendy. Mužčyna abiacaŭ, ale nie viartaŭ rovary. U punktach prakatu čakali ad tydnia da miesiaca, a paśla źviarnulisia z zajavami ŭ milicyju Pakul atrymałasia viarnuć dva rovary», — adznačyła Taćciana Aboznaja.
U dačynieńni da padazravanaha raspačatyja kryminalnyja spravy pa art. 209 KK (machlarstva).
