Na traktary «Biełarus», jaki vozić hety vahončyk, zamacavanyja niekalki čyrvonych ściažkoŭ, na jakich źmieščany hieorhijeŭskaja stužka, sierp i mołat.
Jak prakamientavaŭ dyrektar parku Alaksandr Falej, źmiaścić hetyja ściažki kiroŭca vyrašyŭ samastojna. Maŭlaŭ, ich pradavali ŭ kniharni napiaredadni 9 maja, z hetaj nahody i prymacavaŭ. Praŭda, paśla hetaha try miesiacy ŭžo prajšło, ale ściažki ŭsio jašče visieli.
— Heta ž nie zabaronienaja simvolika, nie svastyka, — tłumačyć Alaksandr Falej. — Ź joj našy baćki i dziady vyzvalali Radzimu, jaje možna ŭbačyć na paradach 9 maja. Dy i ja naradziŭsia ŭ SSSR, jakoha ciapier nie isnuje. Chacia ja nie prychilnik KPSS, byli pamyłki. Ni ŭ jakija palityčnyja partyi nie ŭvachodžu.
Jak dadaŭ dyrektar parku, ciapier ściažkoŭ niama. Pa słovach kiroŭcy, ich źniesła vietram.
