Načnyja spabornictvy pa płavańni ŭ Rya-2016 siońnia byli zatrymanyja praz toje, što kiroŭca aŭtobusa advioz troch spartsmienak na lohkaatletyčny stadyjon zamiest vodnaha.
Fransieska Chałsał (Vialikabrytanija), Žaniet Otesien (Danija) i Alaksandra Hierasimienia (Biełaruś) pavinny byli vystupić u paŭfinale na 50 m volnym stylem. Kiroŭca aŭtobusa nie źviarnuŭ uvahi na abureńnie spartsmienak, kali jany zaŭvažyli, što jeduć u inšaje miesca.
«Jon advioz nas na alimpijski stadyjon, što ŭ 40 chvilinach ŭ inšy bok ad basiejna. Ja viarnułasia ŭ viosku i pajechała ŭ basiejn. Emocyi i adrenalin zaškalvali», — skazała Chałsał ŭ efiry Bi-bi-si.
Pa hetaj pryčynie arhanizatary źmianili viačerni raskład, zapłyvy na 50 m volnym stylem prajšli na paŭhadziny paźniej. Chałsał i Hierasimienia vyjšli ŭ finał, Otesien vybyła.
