Kiraŭnik krainy adznačyŭ, što konkurs daryć miljonam ludziej sapraŭdnaje śviata i źjaŭlajecca placoŭkaj miru i dabra.
Alaksandr Łukašenka prysudziŭ biełaruskim dziejačam kultury premiju za tvory litaratury i mastactva, jakija ŭnosiać vialiki ŭkład va ŭmacavańnie adnosin braterstva, siabroŭstva i ŭsiebakovaha supracoŭnictva pamiž Biełaruśsiu i Rasijaj.
Premiju atrymali narodny artyst SSSR, mastacki kiraŭnik i hałoŭny dyryžor Dziaržaŭnaha akademičnaha Vialikaha simfaničnaha arkiestra imia P.I. Čajkoŭskaha Uładzimir Fiedasiejeŭ; nastajaciel Usichśviackaha prychoda horada Minska Fiodar Poŭny; skulptar, zasłužany dziejač mastactvaŭ Biełarusi Uładzimir Słabodčykaŭ; architektar, łaŭreat Dziaržaŭnaj premii Biełarusi Ihar Marozaŭ.
Premijaj Sajuznaj dziaržavy ŭznaharodzili narodnaha artysta Biełarusi i mastackaha kiraŭnika ansambla «Siabry» Anatola Jarmolenku; kampazitara, zasłužanaha dziejača mastactvaŭ Biełarusi Aleha Jelisiejenkava; paeta, uładalnika litaraturnaj premii «Załaty kupidon» Ivana Jurkina.
Śpiecyjalnuju ŭznaharodu «Praz mastactva — da miru i ŭzajemarazumieńnia» kiraŭnik dziaržavy prysudziŭ narodnamu artystu Biełarusi Michaiłu Finbierhu i Nacyjanalnamu akademičnamu kancertnamu arkiestru Biełarusi.