fota Dźmitryja Bruško, Tut.by
Pieršuju pałovu tydnia nadvorje buduć vyznačać małaaktyŭnyja atmaśfiernyja franty, jakija buduć pieramiaščacca z paŭdniovaha zachadu Jeŭropy i prynosić vielmi ciopłaje pavietra z paŭdniovych moraŭ.
U aŭtorak, 9 lutaha, na bolšaj častcy terytoryi apadki — doždž, mahčymy mokry śnieh. Nočču i ranicaj miescami słaby hałalod, na darohach hałalodzica. Miescami ŭzmacnieńnie vietru paryvami da 15—18 m/s. Tempieratura pavietra minimalnaja nočču -2 … + 3°S, maksimalnaja dniom + 2 … + 7°S; pa paŭdniovym zachadzie Biełarusi nočču + 4 … + 6°S, dniom + 8 … + 11°S.
U sieradu, 10 lutaha, na bolšaj častcy terytoryi krainy karotkačasovyja apadki, u asnoŭnym doždž. Nočču miescami, dniom u mnohich rajonach uzmacnieńnie vietru paryvami da 15—18 m/s. Tempieratura pavietra minimalnaja nočču 0 … + 7°S, maksimalnaja dniom + 3 … + 8°S, pa paŭdniovym zachadzie da +10°S.
Dalej u bok Biełarusi pačnuć ssoŭvacca ŭžo aktyŭnyja atmaśfiernyja franty, jakija pryniasuć bolš śviežaje nadvorje, i apadkaŭ stanie bolš.
U čaćvier, 11 lutaha, časam apadki — mokry śnieh, doždž, dniom pa zachadzie miescami mocnyja apadki. Pa ŭschodniaj pałovie Biełarusi ŭzmacnieńnie vietru paryvami da 15—18 m/s. Tempieratura pavietra na praciahu sutak 0 … + 5°S.
12—14 lutaha, u piatnicu—niadzielu, časam čakajucca apadki — mokry śnieh, doždž. Miescami tuman, nočču i ranicaj słaby hałalod, na darohach hałalodzica. Tempieratura pavietra minimalnaja nočču -3 … + 3°S, maksimalnaja dniom 0 … + 5°S, pa poŭdni miescami da +7°S.
