Sinoptyki prahnazujuć, što adliha zachavajecca ŭvieś nastupny miesiac. Voś doŭhaterminovy prahnoz Gismeteo.by dla Minska.
Sinoptyki abiacajuć praciahłyja pieryjady soniečnaha nadvorja z tempieraturami 3—8 hradusaŭ ciapła. Na poŭdni ž Biełarusi ŭ siaredzinie lutaha maje być až da 10—12 ciapła! Heta tempieratura, pry jakoj buduć raspuskacca drevy i zaćvituć pieršaćviety.
Nahadajem, što letaś viasna nadyšła, faktyčna, u lutym, i marazoŭ bolš nie było i ŭ sakaviku. Rańniaje rastavańnie śniehu pryviało da rezkaha padzieńnia ŭzroŭniu vady ŭ rekach, aziorach i ziamli ŭletku.
Fota Siarhieja Zinina.
A voś što paviedamlaje dla BiełTA hałoŭny sinoptyk Hidramietcentra Biełarusi Śviatłana Rybakova.
«U bližejšy tydzień zachavajecca niaŭstojlivaje adližnaje nadvorje, syroje i vietranaje. Atłantyka budzie prynosić novyja porcyi ciopłaha pavietra. U nastupnyja sutki čakajucca apadki ŭ vyhladzie daždžu, a zatym — daždžu i mokraha śniehu. Taksama mahčymy tumany i hałalodnyja źjavy. Na žal, takoje nadvorje zachavajecca na praciahły pieryjad, i taja zimovaja kazka, jakaja miesiac nas ciešyła, syšła ŭ minułaje», — adznačyła sinoptyk.
