U Maskvie žančyna vyžyła paśla padzieńnia lifta z čaćviortaha paviercha, paviedamiŭ 2 studzienia dniom telekanał LifeNews sa spasyłkaj na pres-słužbu MNS. «Kala 15 hadzin pastupiŭ sihnał, što ŭ domie 7 pa Dubasiekaŭskaj vulicy ŭpaŭ lift. Budynak piacipaviarchovy. U hety momant u im znachodziłasia žančyna», — paviedamili žurnalisty. Paviedamlałasia taksama, što paśla taho jak na miesca pryjechali ratavalniki, žančyna admoviłasia ad špitalizacyi.
Uviečary ŭ MNS abvierhli dadzienyja ab tym, što kabina lifta z pasažyrkaj upała, pieradaje ahienctva «Maskva».
«Lift z pasažyrkaj spuściŭsia z čaćviortaha paviercha i spyniŭsia ŭ rajonie pieršaha, nie adkryŭšy dźviery. Zamknutaja ŭnutry žančyna vyklikała padraździaleńnie MNS, supracoŭniki jakoha apieratyŭna dastali jaje ź lifta i pieradali daktaram chutkaj dapamohi», — havorycca ŭ paviedamleńni.
ŚMI nahadvajuć, što ŭ śniežni pry padzieńni lifta ŭ Maskvie zahinuła dziesiacimiesiačnaje dzicia. Siamiejnaja para zachodziła ŭ lift z kalaskaj, kali abarvaŭsia tros i kabina pačała spuskacca. Zacisnutaje ŭ kalascy pamiž dźviaryma niemaŭla pamierła na miescy.