Zdareńnie adbyłosia kala 2-j hadziny nočy 28 śniežnia na 220 kiłamietry aŭtadarohi Brest — Minsk — miaža RF.
Jak raspavioŭ staršy dziaržaŭtainśpiektar ADAI Baranavickaha RAUS Alaksandr Jaŭciuchin, kiroŭca Kobrynskaj ptuškafabryki na aŭtamabili HAZ 3309 pieravoziŭ try z pałovaj tony (180 skrynak) kurynych jajek. Prajazdžajučy 220 kiłamietr aŭtadarohi, mužčyna źviarnuŭ uvahu, što hružanuju mašynu stała vadzić u baki. Zirnuŭšy ŭ akno, kiroŭca ŭbačyŭ, što z-pad zadniaha mosta laciać iskry, a taksama adsutničajuć dva zadnija levyja koły.
Mužčyna pasprabavaŭ utrymać mašynu na prajeznaj častki, adnak spravicca z hetaj zadačaj va ŭmovach mokraj darohi nie zmoh: hruzavik pierakuliŭsia.
U vyniku DTZ kiroŭca nie paciarpieŭ. A voś dalikatny hruz paciarpieŭ značna. Suma škody pakul nie padličana.