Hurt Navi zapisaŭ biełaruskuju viersiju pieśni «Radioactive» amierykancaŭ Imagine Dragons, jakija vystupiać u «Čyžoŭka-Arenie» 22 studzienia. Asnoŭnuju častku biełaruskaha teksta papularnaha chita, jaki atrymaŭ «Hremi 2014», stvaryła minskaja školnica Alena Kojstra.
Alenie 16 hod, jana navučajecca ŭ 11 kłasie SŠ № 30 horada Minska. Dziaŭčyna źjaŭlajecca prychilnicaj Imagine Dragons z 2013 hoda. Jaje varyjant pierakładu byŭ abrany sa 130 rabot, jakija dasłali feny hurtu na abvieščany arhanizatarami konkurs biełaruskich pierakładaŭ. I ciapier mienavita jana sustreniecca z muzykami Imagine Dragons u Minsku ŭ dzień kancerta.
— Ja lublu Imagine Dragons za ich styl, za ich dumki, za toje, jak jany staviacca da navakolnaha suśvietu. Jany razmaŭlajuć z hledačami pra važnyja rečy ciaham kancertaŭ, dapamahajuć ludziam pa-za miežami sceny, udzielničajuć u dabračynnych akcyjach. Ale hałoŭnaje — heta ich muzyka: enierhičnaja, abudžajučaja, pryjemnaja. Muzyka, jakuju niemahčyma słuchać fonam. U jaje zanuraješsia, sprabuješ asensavać, — kaža Alena.
Abrać pieramožcu i zapisać kavier arhanizatary kancerta paprasili minski hurt Navi. Na rachunku nabirajučaha papularnaść kalektyva dva studyjnych albomy i kamplimienty ad krytykaŭ. 14 lutaha jany zajhrajuć pieršy vialiki solny kancert u kłubie Re:Public, a 22 studzienia, u dzień minskaha vystupu Imagine Dragons, Navi stanuć adzinym biełaruskamoŭnym finalistam nacyjanalnaha adboru na «Jeŭrabačańnie».
— Imagine Dragons majuć svoj styl, svoj padychod. Mnie zdajecca, što hałoŭnaja fiška hurta ŭ emocyjach, u enierhietycy — hladziš na ich žyvyja vystupy i prosta muraški pa skury, — adznačaje adzin z vakalistaŭ hurtu Arciom Łukjanienka. — U svajoj viersii my chacieli zrabić akcent na mieładyčnaść pieśni i biełaruskaj movy. Pierakładaŭ na konkurs pryjšło šmat! My abrali varyjant Aleny, bo jon dobra pasavaŭ da muzyki. Da taho ž jana lepš za inšych patrapiła ŭ emocyju pieśni, u nastroj. Naturalna, što my niešta papravili i dapracavali, ale ahułam jana zrabiła vydatnuju pracu.
Nahadajem, ideja akcyi ŭ tym, kab sami Imagine Dragons i prychilniki hurtu ŭ roznych krainach pačuli «Radioactive» na biełaruskaj. Mienavita heta kampazicyja pryniesła kalektyvu «Hremi 2014» u naminacyi «Najlepšaje rok-vykanańnie». Spasyłku na videa arhanizatary minskaha kancerta ŭžo adasłali ŭ ZŠA menedžmentu hurtu.
Imagine Dragons (ZŠA) u miežach suśvietnaha turne «Smoke + Mirrors«
22 studzienia 2016 – «Čyžoŭka-Arena» – 19.00
Kvitki: trybuny – ad 495 da 770 tys. rub., tancpoł – 800 tys.rub.
Prodaž: u kasach Kvitki.by u Minsku i jašče 42 haradach Biełarusi http://www.kvitki.by/ru/cashiers/23, a taksama onłajn http://www.kvitki.by/ru/event/25928.
Infalinija: (017) 293 03 74, (029) 199 60 66.
