Dabrabyt Biełarusi składvajecca z pośpiechaŭ ludziej, jakija nie adstupajuć pierad prablemami. Pra heta siońnia zajaviŭ Alaksandr Łukašenka na cyrymonii ŭručeńnia dziaržaŭnych uznaharod.
Uznaharodžańnie najlepšych rabotnikaŭ krainy napiaredadni Novaha hoda ŭžo stała dobraj tradycyjaj. Siońnia ŭ Pałacy Niezaležnaści znoŭ adznačalisia najbolš jarkija dasiahnieńni biełarusaŭ. «Dabrabyt Biełarusi składvajecca, viadoma ž, z pośpiechaŭ kankretnych ludziej: rabočych, słužačych, kiraŭnikoŭ. Tych, chto nie apuskaje ruki, nie adstupaje pierad prablemami, a šukaje šlachi ich vyrašeńnia», — adznačyŭ Alaksandr Łukašenka.
Kiraŭnik dziaržavy padkreśliŭ, što hety hod byŭ vielmi niaprostym. «Suśvietny kryzis, ciažkaści ŭ našych dziełavych partnioraŭ, siabroŭ, susiedziaŭ niehatyŭna adbilisia na biełaruskaj ekanomicy. Tym kaštoŭniej dasiahnieńni kalektyvaŭ, jakija zdoleli ŭ hetych nialohkich umovach nie tolki vystajać, ale i vyjści na bolš vysokija rubiažy ŭ svajoj prafiesijnaj dziejnaści», - skazaŭ kiraŭnik dziaržavy.
