Biełaruś zakupiła ŭ Rasii čatyry dyvizijony zienitnych rakietnych kompleksaŭ S-300PS, paviedamiŭ načalnik upraŭleńnia infarmacyi hałoŭnaha ŭpraŭleńnia ideałahičnaj pracy Ministerstva abarony Biełarusi pałkoŭnik Uładzimir Makaraŭ.
«Zakupka ažyćcioŭlena. Ciapier realizujucca mierapryjemstvy pa pastaŭcy ZRK u vajskovyja čaści, jakija ŭzbrojenyja takimi kompleksami», — skazaŭ pradstaŭnik Minabarony.
Dyvizijony zienitnych rakietnych kompleksaŭ S-300PS, jakija Biełaruś zakupiła ŭ Rasii, pastupiać na ŭzbrajeńnie troch zienitnych rakietnych pałkoŭ, jakija dysłacyrujucca ŭ Viciebskaj, Bresckaj i Hrodzienskaj abłaściach.
Kali dakładna ŭ Biełaruś buduć dastaŭlenyja zakuplenyja ZRK, pakul nie paviedamlajecca. Raniej ich pastupleńnie płanavałasia da kanca hetaha hoda.
