Heta ŭžo čaćviertaje vydańnie hołaha kalendara žanočaj viaślarnaj kamandy z University of Warwick, što ŭ Kovientry (Vialikabrytanija). Vydańnie, jakoje ŭ minułym hodzie vyklikała vialikaje zabureńnie ŭ Fejsbuku, maje zadańnie «pašyrać śviadomaść u pytańni ŭłasnaha cieła», a ŭsie srodki ad kuplenych asobnikaŭ kalendara pierakazvajucca na Macmillan Cancer Support, adzin z najbujniejšych brytanskich fondaŭ, što zmahajecca z rakam.
Hod tamu staronka viaślarak z Kovientry była adznačanaja ŭ Fejsbuku jak parnahrafičnaja i vydalenaja z servisu. Uźniałasia chvala abureńnia, administratary atrymali mnostva paviedamleńniaŭ, aŭtary jakich patrabavali viartańnia fan-staronki. FB ŭrešcie prysłuchaŭsia, i spartsmienki viarnulisia ŭ najvialikšuju sacyjalnuju sietku ŭ śviecie.
Fota z vypusku 2016 rabilisia na kampusie, a taksama padčas łahiera ŭ Hałandyi. Hetym razam fanaty mohuć zamović navat śpiecvypuski abo dadatkovyja zdymki sa svaimi favarytkami. Dziakujučy hetamu, spadziajucca stvaralnicy, udasca padtrymać fond jašče bolšaj sumaj,čym letaś (tady było sabrana 12 tysiač funtaŭ sterlinhaŭ).
Eli, adna sa starejšych spartsmienak u kamandzie, spadziajecca, što ŭ dadatak dziaŭčaty pierastanuć saromiecca ŭłasnych ciełaŭ i buduć dobra pačuvacca ŭ svajoj skury – heta jašče adzin plus akcyi.
«Naš kalandar na 2016 hod źmiaščaje častku z vašych ulubionych, viadomych tvaraŭ, ale taksama niamała cikavych novych spartovak i niekalki pačatkovak, jakija mieli žadańnie ŭziać udzieł u hetym cudoŭnym prajekcie», — havorycca ŭ anatacyi da kalendara.
