To nie ralla — to hazon u centry Minska. Zusim pobač z płoščaj Jakuba Kołasa. Na Załatoj Horcy za Puškinskaj biblijatekaj, kala dziciačaj palikliniki.
Jak i šmat dzie ŭ Minsku, tut brakuje miescaŭ dla parkoŭki, tamu mašyny pieryjadyčna staviać prosta na ziamli. Hladziacca takija stajanki dzika.
Tak sama vyhladaje ŭvosień i ŭzimku dobraja tracina minskich dvaroŭ — skroź, dzie bardziury nizkija.
Horadu para mianiać padychody da płanavańnia i ŭparadkavańnia dvaroŭ. Lepš chaj budzie mienš hazonaŭ, ale bolš zamoščanych parkovačnych miescaŭ. Nie moža ličycca sučasnym i kamfortnym horad, dzie ŭ kožnym dvary pluchaje hraziuka, jak kala dapatopnaj śvinafiermy.
Z majho dośviedu, u jeŭrapiejskich miehapolisaŭ hazonaŭ mienš, plitki i asfaltu bolš, ale bałota tam niama, jak praviła. Łužkoŭ tam mienš, ale tyja, što jość, abharodžanyja bietonnymi ci kamiennymi słupočkami.
A takija ŭčastki darma tolki ličacca ŭ nas zialonaj zonaj. Usio adno ni charastva, ni kisłarodu jany nie dadajuć.
Pryvatna hramadzianie z hetym ničoha nie zrobiać. Tut pavinna być metaskiravanaja palityka municypalnych uładaŭ.
A vy jak ličycie? Ci treba pavialičvać parkovačnyja zony za košt hazonaŭ? Jakoje płanavańnie dvaroŭ vam padajecca idealnym?
