Jak paviedamiŭ BiełaPAN pres-sakratar Bresckaha abłasnoha ŭpraŭleńnia MNS Siarhiej Mašnoŭ, avaryja na ciepłatrasie na vulicy Savieckaj była vyjaŭlenaja ŭ 0.15. Paryŭ adbyŭsia ŭ mietaličnaj trubie dyjamietram 133 mm, prakładzienaj ŭ achoŭnym bietonnym žołabie na hłybini 1,5 mietra.
Ad ciepłazabieśpiačeńnia byli adklučanyja dva dzieviacipaviarchovyja 36-kvaternyja žyłyja damy.
U 3.50 praviedziena zamiena paškodžanaha ŭčastka truby daŭžynioj 1,5 mietra, praviedzieny puskanaładačnyja i vyprabavalnyja pracy pa padłučeńni ciepłatrasy.
U 4.53 ciepłazabieśpiačeńnie ŭ adklučanych na čas ramontu damach było adnoŭlena.
Na momant avaryi tempieratura pavietra ŭ Baranavičach była siem hradusaŭ ciapła.
Mierkavanaja pryčyna paryvu ciepłatrasy - karozija mietału.
