U adnym z rajonaŭ amierykanskaha štata Virdžynija časova prypynili pracu ŭsich škoł praz skandał, jaki pačaŭsia vakoł uroka arabskaj kalihrafii.
Getty
Pa słovach miascovych uładaŭ, praca škoł prypynienaja ŭ jakaści miery zaściarohi. Pry hetym, pa ich acenkach, surjoznaj pahrozy biaśpiecy navučencaŭ niama.
Skandał razhareŭsia vakoł zadańnia, jakoje školnikam dali na ŭroku hieahrafii ŭ adnoj sa škoł. Pa słovach vučniaŭ, vykładčyk paprasiŭ ich skapijavać u svaje sšytki frazu, napisanuju arabskaj viaźziu — «Niama boha, akramia Ałacha».
Niekatoryja navučency admovilisia vykonvać zadańnie, a ich baćki paskardzilisia ŭładam. Na hetym fonie było vyrašana na čas zakryć spačatku tuju škołu, dzie adbyŭsia incydent, a zatym i astatnija škoły rajona.
Pry hetym i kiraŭnictva škoły, i ŭłady nastojvajuć, što adzinaj metaj zadańnia była demanstracyja taho, nakolki składanaja arabskaja mova. U budučyni jany paabiacali zachavać zadańnie ŭ prahramie, ale vybrać dla jaho frazu biez relihijnaha padtekstu.
