Kiraŭnik Kryma Siarhiej Aksionaŭ paskardziŭsia, što paŭvostraŭ da hetaha času nie ŭbačyŭ nijakich hrošaj z metavaj prahramy raźvićcia Kryma i Sievastopala da 2020 hoda.
Reuters
Pra heta jon zajaviŭ na pasiadžeńni kruhłaha stała «Krym i vykliki dla Rasii. Raźvićcio va ŭmovach sankcyj» u Maskvie, pieradaje Kryminform.
Jon taksama adznačyŭ, što Ministerstva ekanamičnaha raźvićcia Rasii da hetaha času nie zaćvierdziła nivodzin z abjektaŭ, jakija patrabujuć finansavańnia.
«Pavodle Fiederalnaj metavaj prahramy ŭ 2015 hodzie my pavinny asvoić 15 młrd rubloŭ. Siońnia ŭžo śniežań, na siońnia jašče ni kapiejki, pry tym, što try razy ŭzhadnialisia płany, hrafiki, najmieńnie mierapryjemstvaŭ i našymi čynoŭnikami, i ŭsimi biez vyklučeńnia fiederalnymi, uklučajučy ŭzhadnieńnie ŭsich prośbaŭ fiederalnych ministerstvaŭ. Da 15 červienia my hrafik i ŭzhadnili, i praviali pastanovu ŭrada pa hetym pytańni», — skazaŭ Aksionaŭ.
Na jaho dumku, niama sensu «šukać krajnich», a varta vykanać abiacanaje krymčanam.
«Ludziam na samaj spravie ŭsio roŭna, ludzi kažuć: vy paabiacali pabudavać vadavod, balnicu — pabudujcie… U 2015 hodzie — 174 abjekty FMP, pa jakoj Krym nakiravaŭ usie dakumienty ŭ fiederalnyja orhany ŭłady, mahčyma, z pamyłkami, ale nakiravaŭ», — paviedamiŭ Aksionaŭ i paskardziŭsia na toje, što spačatku 220 čałaviek va ŭžo likvidavanym ministerstvie Kryma, a za imi 100 čałaviek u Minekanamraźvićcia tak i nie zmahli pravieryć pravilnaść padadzienych dakumientaŭ.
