U Biełarusi budzie skasavanaja lhota pa PDV pry realizacyi nasielnictvu pasłuh pa elektra- i hazazabieśpiačeńni. Heta praduhledžana zakonaprajektam «Ab uniasieńni źmianieńniaŭ i dapaŭnieńniaŭ u niekatoryja zakony Respubliki Biełaruś pa pytańniach pradprymalnickaj dziejnaści i padatkaabkładańnia», jaki 18 śniežnia pryniaty Pałataj pradstaŭnikoŭ u druhim čytańni.
U cełym zakonaprajekt praduhledžvaje skaračeńnie 15 padatkovych ilhotaŭ.
Admianiajecca lhota pa padachodnym padatku u dačynieńni da vyjhryšaŭ ad arhanizataraŭ azartnych hulniaŭ z abkładańniem ich pa staŭcy 4%, pavialičvacca miežavy pamier staŭki kurortnaha zboru z 3 da 5%, staŭka zboru za ažyćciaŭleńnie ramieśnickaj dziejnaści pavialičvajecca z adnoj da čatyroch bazavych vieličyniaŭ, admianiajecca lhota dla piensijanieraŭ pa ŭzroście pry vypłacie pošliny na dopusk transpartnaha srodku da ruchu.
Aprača taho, zakonaprajektam praciahvajecca na 2016 hod abmiežavańnie pa vyličeńniach PDK u 90 dzion pry imparcie tavaraŭ. Uvodzicca dadatkovaje abkładańnie dziaržpošlinaj asobnych vidaŭ jurydyčnaj dziejnaści.
Zachoŭvajecca ŭ nastupnym hodzie prava miascovych savietaŭ deputataŭ pavialičvać abo źmianšać nie bolš jak u 2,5 razu staŭku padatku na nieruchomaść dla asobnych katehoryj płacielščykaŭ. Miascovym savietam deputataŭ dajecca prava pavialičvać staŭku padatku na nieruchomaść da 10 razoŭ na majomaść, jakaja nieefiektyŭna vykarystoŭvajecca. Pavialičvajecca da 0,2% staŭka padatku na nieruchomaść dla fizičnych asob u dačynieńni da druhoj i nastupnaj kvater, što znachodziacca ŭ ich va ŭłasnaści. Pavyšajecca staŭka padatku na ziamielnyja ŭčastki, na jakich raźmieščanyja rynki i handlovyja centry, da 0,7%.
Šerah novaŭviadzieńnia tyčacca prymianieńnia sproščanaj sistemy padatkaabkładańnia (SSP). U pryvatnaści da 1 tys. kv. m źnižajecca kryteryj płoščy majomaści dla metaŭ vypłaty padatku na nieruchomaść płacielščykami, jaki prymianiajuć SSP, dla indyvidualnych pradprymalnikaŭ źnižajecca z 15,7 młrd. da 1,5 młrd. rubloŭ abjom vałavoj vyručki, pry jakoj spyniajecca prymianieńnie SSP. Uvodzicca zabarona na prymianieńnie SSP arhanizacyjami i IP, jakija akazvajuć pasłuhi internet-placovak, a taksama jakija źjaŭlajucca internet-mahazinami.
Pry hetym šerah prapanoŭ z zakonaprajekta vyrašyli vyklučyć.
«Z ulikam ekanamičnaj situacyi z zakonaprajekta vyklučanyja normy ab praviadzieńni chronamietražu maršrutnych taksi, ab spahnańni sum padachodnaha padatku ŭ piacirazovym pamiery pry zdačy ŭnajom pamiaškańniaŭ fizičnym asobam biez vypłaty padatku, pavyšeńni stavak zboru za ažyćciaŭleńnie dziejnaści ahraekaturyzmu», — paviedamiŭ namieśnik staršyni pastajannaj kamisii Pałaty pradstaŭnikoŭ pa biudžecie i finansach Alaksandr Miakińnik.
