Alaksandr Łukašenka 21 śniežnia ažyćciavić rabočy vizit u Maskvu (Rasijskaja Fiederacyja), paviedamiła pres-słužba prezidenta Biełarusi.
Kiraŭnik dziaržavy voźmie ŭdzieł u pasiadžeńniach Savieta kalektyŭnaj biaśpieki Arhanizacyi Dahavora ab kalektyŭnaj biaśpiecy (ADKB) i Vyšejšaha Jeŭrazijskaha ekanamičnaha savieta na ŭzroŭni kiraŭnikoŭ dziaržaŭ.
U centry ŭvahi samitu ADKB buduć znachodzicca aktualnyja prablemy mižnarodnaj biaśpieki i mahčymyja kroki arhanizacyi pa ich vyrašeńni.
Padčas sustrečy na vyšejšym uzroŭni ŭ farmacie JEAES buduć razhladacca pytańni funkcyjanavańnia Jeŭrazijskaj ekanamičnaj kamisii, supracoŭnictva ŭ śfiery libieralizacyi aŭtamabilnych pieravozak, uzajemadziejańnia JEAES ź inšymi mižnarodnymi arhanizacyjami i miždziaržaŭnymi abjadnańniami.
Raniej pres-słužba Kramla paviedamlała, što pa tradycyi ŭ miežach samitaŭ prezident Rasii Uładzimir Pucin praviadzie dvuchbakovyja sustrečy sa svaimi kalehami.
Heta budzie ŭžo druhaja na praciahu tydnia pajezdka Łukašenki ŭ Maskvu — 14 i 15 śniežnia jon znachodziŭsia ŭ Rasii z aficyjnym vizitam pa zaprašeńni Pucina.