Pytańnie raźmiaščeńnia na biełaruskaj terytoryi rasijskaj avijabazy pakul nie vyrašanaje i, mahčyma, abmiarkoŭvacca nie budzie, zajaviŭ 18 śniežnia ŭ Minsku ministr abarony Biełarusi Andrej Raŭkoŭ.
«Pytańnie nie abmiarkoŭvałasia i nie budzie abmiarkoŭvacca, napeŭna», — skazaŭ jon žurnalistam u parłamiencie.
14—15 śniežnia Alaksandr Łukašenka ažyćciaviŭ aficyjny vizit u Rasiju i pravioŭ pieramovy z Uładzimiram Pucinym. Nasupierak prahnozam analitykaŭ, pytańnie ab stvareńni ŭ Biełarusi rasijskaj avijabazy prezidenty nie abmiarkoŭvali — pra heta pa vynikach sustrečy paviedamiŭ pres-sakratar Pucina Dźmitryj Piaskoŭ.
21 śniežnia ŭ Maskvie adbudziecca jašče adna sustreča Łukašenki z Pucinym — padčas siesii Savieta kalektyŭnaj biaśpieki Arhanizacyi Dahavora ab kalektyŭnaj biaśpiecy i pasiadžeńnia Vyšejšaha Jeŭrazijskaha ekanamičnaha savieta.
Daručeńnie pravieści ź Minskam pieramovy i padpisać pahadnieńnie ab raźmiaščeńni ŭ Biełarusi avijabazy Pucin daŭ Ministerstvu abarony i MZS Rasii ŭ siaredzinie vieraśnia. Paźniej Łukašenka zajaviŭ, što nie abmiarkoŭvaŭ z Maskvoj hetaje pytańnie.
