Papa Francišak pryznaŭ druhi cud, ździejśnieny maci Terezaj. Heta dazvolić pryličyć hetuju katalickuju manašku i łaŭreatku Nobieleŭskaj premii miru da liku śviatych užo ŭ nastupnym hodzie.
cnn.com
Rašeńnie ab kananizacyi prymajecca paśla paćvierdžańnia teołahami Vatykana ździajśnieńnia pretendentam dvuch cudaŭ.
Teołahi pryznali cudam nievytłumačalnaje vylačeńnie brazilca sa šmatlikimi puchlinami hałaŭnoha mozhu, havorycca ŭ haziecie Kanfierencyi italjanskich katalickich biskupaŭ Avvenire.
Čakajecca, što maci Tereza budzie kananizavanaja ŭ vieraśni nastupnaha hoda. Jana była pryličanaja da liku błažennych ŭ 2003 hodzie — hetaj pieršy nieabchodny krok dla kananizacyi.
Tady papa Jan Pavieł II pryznaŭ jaje pieršy cud: jon zajaviŭ, što vylačeńnie indyjskaj žančyny ad puchliny ŭ brušnoj paražninie stała vynikam boskaha ŭmiašańnia maci Terezy. Hetaje mierkavańnie asprečvali indyjskija racyjanalisty.
Manaška, jakaja atrymała Nobieleŭskuju premiju miru za dapamohu biednym u truščobach indyjskaha horada Kalkuta, pamierła ŭ 1997 hodzie.