U Lelčycach na vyjaznym pasiadžeńni Homielskaha abłasnoha suda 17 śniežnia prajšli debaty pa rezanansnaj kryminalnaj spravie. Žychar Lelčyckaha rajona abvinavačvajecca ŭ zabojstvie dźviuch i bolš asob ahulnaniebiaśpiečnym sposabam i z asablivaj žorstkaściu.
Jak paviedamiła pres-sakratar Homielskaha abłasnoha suda Natalla Puhačova, dziaržaŭnaje abvinavačvańnie zapatrabavała dla abvinavačvanaha 23 hady pazbaŭleńnia voli.
Nahadajem, u krasaviku 2015 hoda 36-hadovy žychar rajona padpaliŭ furhon aŭtamabila, u jakim znachodzilisia ludzi. Viartajučysia z pracy ŭ słužbovym aŭtamabili pa darozie Turaŭ — Lelčycy — Słaviečna, paśla sumiesnaha raśpivańnia śpirtnych napojaŭ z kalehami, na hlebie raptoŭna ŭźnikłych asabistych niepryjaznych adnosinaŭ abvinavačvany ŭziaŭ kanistru ź bienzinam i vyliŭ jaho na padłohu ŭ centralnaj častcy furhona, padpaliŭ vylity bienzin i vyskačyŭ na chadu z mašyny, jakaja zaharełasia. U aŭtamabili znachodzilisia vosiem čałaviek.
Vadziciel, zaŭvažyŭšy ŭzharańnie, rezka źniziŭ chutkaść i spyniŭ aŭtamabil, piaci paciarpiełym udałosia samastojna pakinuć pałajučy furhon. Troje mužčyn ad naniesienych cialesnych paškodžańniaŭ pamierli ŭ balnicy. Ahniom źniščany słužbovy aŭtamabil i asabistyja rečy paciarpiełych.
Pryhavor pavinien być abjaŭleny 29 śniežnia.