Biełaruś pierachodzić na trochhadovaje płanavańnie biudžetu. Adpaviednyja źmianieńni praduhledžany prajektam zakona «Ab uniasieńni źmianieńniaŭ i dapaŭnieńniaŭ u Biudžetny kodeks Biełarusi», jaki deputaty Pałaty pradstaŭnikoŭ pryniali ŭ pieršym čytańni.
Jak paviedamiŭ ministr finansaŭ Uładzimir Amaryn, pradstaŭlajučy zakonaprajekt, dla pierachodu na trochhadovaje biudžetnaje płanavańnie ŭnosiacca dapaŭnieńni ŭ asobnyja artykuły Biudžetnaha kodeksa ŭ častcy zamacavańnia abaviazku pa raspracoŭcy siarednieterminovych finansavych prahram na respublikanskim i miascovym uzroŭniach i zaćviardžeńnia ich narmatyŭnymi pravavymi aktami.
Pa hetaj pryčynie aktualnaj stanovicca acenka efiektyŭnaści i kantrolu za chodam vykanańnia dziaržprahram praz ustanaŭleńnie pakazčykaŭ — niepasrednych vynikaŭ dziejnaści rasparadčykaŭ biudžetnych srodkaŭ.
Akramia taho, dla ŭdaskanaleńnia mižbiudžetnych adnosin praduhledžvajecca pierachod ad štohadovaha ŭstanaŭleńnia narmatyvaŭ adličeńniaŭ ad respublikanskich i miascovych padatkaŭ, zboraŭ (pošlin) da siarednie- i doŭhaterminovaha. Taksama buduć pašyracca haryzonty płanavańnia miascovych biudžetaŭ i sacyjalna-ekanamičnaha raźvićcia administracyjna-terytaryjalnych adzinak.
