Polskaha deputata ad apazicyi Michała Ščerbu aštrafavali za pieravyšeńnie limitu času ŭ chodzie vystupu ŭ Siejmie.
Deputat «Hramadzianskaj płatformy» atrymaŭ vymovu ad śpikiera Mareka Kuchcinskaha padčas burnych debataŭ 2 śniežnia, kali kirujučaja partyja «Prava i spraviadlivaść» (PiS) abrała 5 novych sudździaŭ Kanstytucyjnaha suda, pieradaje »Jeŭrapiejskaja praŭda» sa spasyłkaj na TVP info.
Za pieravyšeńnie limitu času vystupu Michał Ščerba pavinien zapłacić 2,5 tysiač złotych (600 jeŭra). Jak adznačajecca, heta byŭ adziny vypadak, kali śpikier užyvaŭ finansavyja sankcyi da deputataŭ. I mienavita hety fakt aburyŭ Michała Ščerbu.
«PiS finansavymi sankcyjami zatykaje rot apazicyi. 2,5 tysiač złotych kaštavała majo niaskončanaje chvilinnaje pytańnie ab niezakonnym pryznačeńni sudździaŭ», — napisaŭ Michał Ščerba u svaim tvitary.
Jon paabiacaŭ abskardzić rašeńnie śpikiera ŭ prezidyumie Siejma, adnak pierakanany, što toj nie źmienić svajo rašeńnie, tamu što bolšaść u im składajuć deputaty ad PiS.
«Heta biełaruskija standarty. My nie možam dazvolić takoha staŭleńnia da apazicyi», — zajaviŭ Michał Ščerba.
