Fota president.gov.by
Alaksandr Łukašenka viečaram 14 śniežnia prybyŭ z aficyjnym vizitam u Rasijskuju Fiederacyju. Samalot ź biełaruskim kiraŭnikom na borcie pryziamliŭsia ŭ maskoŭskim aeraporcie Unukava.
Voś videa jaho sustrečy ŭ maskoŭskim aeraporcie.
Na sajcie Kramla paviedamlajecca, što 15 śniežnia adbuducca pieramovy Uładzimira Pucina i Alaksandra Łukašenki «pa šyrokim śpiektry aktualnych pytańniaŭ rasijska-biełaruskich adnosin i mižnarodnaha paradku dnia».
«Asablivuju ŭvahu płanujecca nadać dalejšamu pahłybleńniu ekanamičnaj intehracyi na jeŭrazijskaj prastory i mieram pa naroščvańni handlova-inviestycyjnaha supracoŭnictva ŭ miežach Sajuznaj dziaržavy», — skazana ŭ paviedamleńni.
Nahadajem, aficyjny vizit Łukašenki ŭ Rasiju płanavaŭsia 25—26 listapada. U Maskvie 26 listapada pavinna była adbycca jaho sustreča z prezidentam RF Uładzimiram Pucinym u vuzkim składzie, zatym — pieramovy ŭ pašyranym farmacie. Pavodle vynikaŭ sustrečy anansavałasia padpisańnie mižnarodnych dakumientaŭ. Łukašenka taksama płanavaŭ sustrecca z premjer-ministram RF Dźmitryjem Miadźviedzievym, sa staršynioj Savieta Fiederacyi Fiederalnaha schodu Valancinaj Maćvijenkaj i staršynioj Dziarždumy Siarhiejem Naryškinym.
Adnak 24 listapada było abvieščana, što vizit pieraniesieny, jak zajaviŭ pres-sakratar rasijskaha prezidenta Dźmitryj Piaskoŭ, «u suviazi z zahružanaściu pracoŭnych hrafikaŭ prezidentaŭ Biełarusi i Rasii».
Łukašenka płanavaŭ tradycyjna ažyćciavić svoj pieršy vizit paśla pieravybrańnia kiraŭnikom dziaržavy ŭ Rasiju, adnak u vyniku spačatku adpraviŭsia ŭ Vjetnam, a adtul — u Turkmienistan.
