Ministr zamiežnych spraŭ Biełarusi Uładzimir Makiej abmierkavaŭ aktualnyja pytańni supracoŭnictva Biełarusi ź ES i NATA ŭ chodzie rabočaha vizitu ŭ Brusel 13—14 śniežnia, paviedamlaje pres-słužba MZS.
Makiej sustreŭsia ź ministrami zamiežnych spraŭ krain — členaŭ Jeŭrasajuza, u chodzie jakoj baki abmianialisia dumkami pra stan i pierśpiektyvy uzajemadziejańnia Biełarusi i Jeŭrasajuza.
Fota pres-słužby MZS Biełarusi
Kiraŭnik MZS Litvy Linas Linkiavičus u svaim tvitar-akaŭncie acharaktaryzavaŭ atmaśfieru na pieramovach jak «kanstruktyŭnuju i dobrazyčlivuju». Litoŭski ministr taksama zajaviŭ ab adabreńni «pieršych krokaŭ Biełarusi» i čakańni prahresu ŭ pytańniach pravoŭ čałavieka i demakratyi.
Zapis z padobnym źmiestam źjaviŭsia i ŭ tvitary ministra zamiežnych spraŭ Słavakii Mirasłava Łajčaka.
Uładzimir Makiej ź ministram zamiežnych spraŭ Słavakii Mirasłavam Łajčakam
Ministr zamiežnych spraŭ Aŭstryi Siebaścijan Kurc pa vynikach sustrečy taksama zajaviŭ u tvitary, što spadziajecca na dalejšy prahres u Biełarusi, i pazityŭna acaniŭ rolu Minska va urehulavańni kanfliktu va Ukrainie.
Kiraŭnik źniešniepalityčnaha viedamstva Biełarusi taksama pravioŭ pieramovy z Vysokim pradstaŭnikom ES pa źniešniaj palitycy i palitycy biaśpieki Fiederykaj Mahieryni, jeŭrakamisaram pa Jeŭrapiejskaj palitycy susiedstva i pieramovach ab pašyreńni ES Jahaniesam Chanam, namieśnikam hienieralnaha sakratara NATA Alaksandram Vieršbou.
Uładzimir Makiej i Fiederyka Mahieryni. Fota pres-słužby JESZD
Uładzimir Makiej i Alaksandr Vieršbou. Fota pres-słužby NATA
