Pavodle infarmacyi 42.TUT.BY, hienieralny dyrektar apieratara life:) Iśmiet Jazydžy pakinuŭ svaju pasadu ŭ piatnicu, 11 śniežnia.
Krynicy paviedamlajuć, što zvalnieńnie hiendyrektara stała niečakanaściu dla supracoŭnikaŭ kampanii, bo jon tolki kala miesiaca tamu padpisaŭ novy hadavy kantrakt.
Z-za śpiešnaha zvalnieńnia na dadzieny momant nie vyznačany čałaviek, jaki vykonvaje abaviazki hiendyrektara life:).
U pres-słužbie apieratara nie paćvierdzili, ale i nie abvierhli hetuju infarmacyju, tolki zajaviŭšy, što zmohuć dać aktualnuju infarmacyju tolki paśla bližejšaj rady dyrektaraŭ kampanii, jakaja adbudziecca 17 čysła. Heta taksama ŭskosna paćviardžaje sychod kiraŭnika.
Z samim Iśmietam Jazydžy apieratyŭna źviazacca nie ŭdałosia.
Iśmiet Jazydžy byŭ pryznačany kiraŭnikom life:) u kancy 2011 hoda.
