Z-za abryvu linij elektrapieradačy ŭ Bresckaj, Hrodzienskaj i Minskaj abłaściach 13 i 14 śniežnia bieź śviatła zastalisia bolš za 130 nasielenych punktaŭ. Na ranicu paniadziełka abiastočanymi zastajucca 36 viosak i haradoŭ.
U Minskaj vobłaści zarehistravany adklučeńni elektrazabieśpiačeńnia ŭ Łahojskim, Salihorskim, Słuckim, Lubanskim rajonach i Barysavie. Abiastočanymi akazalisia 46 nasielenych punktaŭ i žychary piaci vulic u Barysavie, 140 transfarmatarnych padstancyj, 12 fierm. Pa stanie na 6.00 14 śniežnia niama elektryčnaści ŭ 17 nasielenych punktach — 214 žyłych damach, 385 žycharoŭ, u Salihorskim, Słuckim i Lubanskim rajonach.
U Bresckaj vobłaści paviedamleńnie ab avaryjnym adklučeńni elektrazabieśpiačeńnia ŭ 53 nasielenych punktach Baranavickaha rajona pastupiła nočču ŭ paniadziełak. Z-za nalipańnia mokraha śniehu adbylisia abryvy linii elektrapieradačy. U vyniku adklučeńnia elektrazabieśpiačeńnia abiastočana 210 transfarmatarnych padstancyj, 1624 damy pryvatnaj žyłoj zabudovy i 18 fierm. Pa stanie na 07.00 abiastočanymi zastajucca 647 damoŭ i 6 fierm u 29 nasielenych punktach.
Adklučeńnie elektraenierhii ŭ noč z 13 na 14 śniežnia było zafiksavana i ŭ Dziatłaŭskim, Mastoŭskim, Słonimskim rajonach Hrodzienskaj vobłaści. Biez elektrazabieśpiačeńnia zastavalisia 33 nasielenych punkta i 4 fiermy. Słužby zmahli apieratyŭna adnavić padaču elektraenierhii ŭ poŭnym abjomie.
