Lidar birmanskaj apazicyi Aun San Su Čžy, čyja partyja pieramahła na minułych parłamienckich vybarach, zajaviła, što maje namier dobraŭparadkavać krainu.
Ranicaj u niadzielu 70-hadovaja Aun San Su Čžy vyjšła na vulicu ŭ svajoj vybarčaj akruzie i stała źbirać śmiećcie. Da jaje dałučylisia miascovyja žychary.
Vajskoŭcy, jakija kiravali Birmaj ciaham paŭstahodździa, pačali pastupova pieradavać kiravańnie hramadzianskim asobam u 2011 hodzie. Adnak šmathadovaje nieefiektyŭnaje kiravańnie ekanomikaj razam ź izalacyjaj Birmy i nastupstvami mižnarodnych sankcyj pryviali da taho, što Birma stała adnoj z samych biednych krain śvietu. Infrastruktura krainy znachodzicca ŭ žałasnym stanie, a sacyjalnyja pasłuhi, jak naprykład ŭborka śmiećcia, praktyčna nie ažyćciaŭlajucca.
Partyja «Nacyjanalnaja liha za demakratyju», jakuju ŭznačalvaje Aun San Su zavajavała bolšaść hałasoŭ u abiedźviuch pałatach parłamienta Birmy na pieršych u historyi krainy svabodnych vybarach.
Majučy 329 miescaŭ u parłamiencie, partyja San Su Čžy moža pryznačać urad i prezidenta krainy.
Samoj Aun San Su Čžy ŭ adpaviednaści ź niadaŭna ŭviedzienymi kanstytucyjnymi abmiežavańniami nielha zaniać pasadu prezidenta, bo jaje niabožčyk muž byŭ brytancam, a darosłyja dzieci majuć hramadzianstva inšych dziaržaŭ.
