Jak paviedamiŭ na ŭłasnaj staroncy ŭ «Fejsbuku» hałoŭny redaktar vydaviectva «Mastackaja litaratura» Viktar Šnip, da 75-hodździa z dnia narodzinaŭ Uładzimira Mulavina (12.01.1941) padrychtavany da vydańnia pierapracavany i dapoŭnieny varyjant knihi «Nota sud́by».
Miarkujučy pa ŭsim, druhoje vydańnie knihi, vierahodna, pad inšaj nazvaj, budzie davoli istotna adroźnivacca ad taho, što ŭbačyła śviet u 2004 hodzie.
Jak i tady, aŭtaram kancepcyi i redaktaram-składalnikam knihi źjaŭlajecca Ludmiła Krušynskaja. Źmiest novaj knihi, nakolki viadoma, byŭ značna pierahledžany. Tak, zamiest niekatorych dziažurnaha charaktaru vykazvańniaŭ pra Mulavina asobnych dziejačaŭ kultury i mastactva źjaviŭsia šerah aryhinalnych artykułaŭ, ahulnaja kolkaść fotazdymkaŭ, siarod jakich jość i tyja, što raniej nie publikavalisia, nabližajecca da paŭtysiačy. Trapili ŭ knihu abjomam 616 staronak i zdymki not niekatorych piesień, napisanyja rukoj lidara «Pieśniaroŭ». Jak i raniej, knihu supravadžajuć daviedačnyja materyjały. Heta pieralik dat žyćcia i tvorčaści Uładzimira Mulavina i — novaje! — śpis usich muzykaŭ, jakija ŭ roznyja hady vystupali ŭ składzie kalektyvu.
Jak možna mierkavać pavodle dopisu Viktara Šnipa, hetym razam knihu rychtavali da druku ci nie ŭ pažarnym paradku, ale hetymi dniami jaje makiet byŭ skiravany ŭ drukarniu.
***
Pieršaje vydańnie «Noty sud́by», nakład jakoj abjomam 446 staronak składaŭ 3000 asobnikaŭ, chutka źnikła z palic kniharniaŭ, i paźniej knihu možna było nabyć chiba što vypadkova ŭ bukinistaŭ. Kniha była padrychtavanaja ŭ ramkach ušanavańnia pamiaci Uładzimira Mulavina. Siarod namiečanych mierapryjemstvaŭ značylisia stvareńnie filma i knihi, pryśviečanych pamiaci lidara «Pieśniaroŭ», Nacyjanalnaha centra muzyčnaha mastactva «Pieśniary», ustalavańnie miemaryjalnaj šyldy i nadmahilnaha pomnika, zasnavańnie muzeja, padrychtoŭka multymiedyjnaha vydańnia pra Mulavina i vydańnie antałohii zapisaŭ kalektyvu. Apošnija dva punkty pastanovy byli padrychtavanyja, adnak tak i nie dačakalisia tyražavańnia.
