Pavodle apošnich dadzienych, 21 čałaviek zahinuŭ u vyniku pažaru ŭ adnym z karpusoŭ Varoniežskaha psichanieŭrałahičnaha internata ŭ vioscy Ałfieraŭka Novachapierskaha rajona.
«U ciapierašni čas užo vyjaŭlenyja 19 zahinułych, uklučajučy dvaich pamierłych pa darozie ŭ balnicu, viaducca pošuki jašče dvuch zahinułych», — paviedamili Interfaksu ŭ centralnym rehijanalnym centry MNS Rasii.
Usie zahinułyja byli pacyjentami. U korpusie psichanieŭrałahičnaha dyspansera znachodzilisia 74 čałavieki, u tym liku čatyry miedycynskija rabotniki i 29 lažačych chvorych.
Mocny pažar uźnik poźnim viečaram u subotu, 12 śniežnia. Pažarnyja zmahalisia z ahniom bolš za čatyry hadziny.
Paviedamlajecca, što budynak płoščaj 600 kv. m zhareŭ całkam. U tušeńni pažaru brali ŭdzieł bolš za 270 čałaviek i 50 adzinak techniki.
U jakaści asnoŭnaj pryčynaj pažaru razhladajecca niaspraŭnaść u elektraabstalavańni. Razhladajecca i viersija ab nieaściarožnym abychodžańni z ahniom kaho-niebudź z pacyjentaŭ abo piersanału.
Pažary ŭ psichbalnicach ŭ Rasii - źjava niaredkaja. U vieraśni 2013 hoda ŭ vyniku pažaru ŭ psichijatryčnym špitali pad Noŭharadam zahinuli 37 čałaviek, a ŭ krasaviku taho ž hoda pažar u psichanieŭrałahičnaj klinicy ŭ padmaskoŭnym Ramienskim zabraŭ žyćci 38 čałaviek.
