Ministerstva handlu nahadvaje, što ŭ adpaviednaści z zakanadaŭstvam u vitrynach dapuskajecca raźmiaščeńnie infarmacyi ab źnižkach tolki pa ŭzhadnieńni ź miascovym vykanaŭčym i rasparadčym orhanam. Pra heta paviedamiła siońnia žurnalistam namieśnik ministra handlu Iryna Narkievič.
«Dzie my adrazu ž bačym infarmacyju ab źnižcy? Na vitrynie mahazina. Kab abaranić našaha spažyŭca, my skazali — vonkavaja rekłama pa źnižeńni cany pavinna być uzhodniena ŭ vykankamie. Kali ty dakazaŭ, što ŭ ciabie jość źnižka, rasprodaž — kali łaska, raźmiaščaj hetu infarmacyju ŭ vitrynie, handluj, atrymlivaj dachody», — adznačyła Iryna Narkievič.
Pavodle jaje słoŭ, u Minsku ŭ 2015 hodzie za raźmiaščeńnie na vitrynach handlovych abjektaŭ rekłamy ab źnižkach biez dazvołu Minharvykankama 29 subjektam vydadzieny pradpisańni ab demantažy, 3 arhanizacyi aštrafavanyja.
Akramia taho, Iryna Narkievič źviarnuła ŭvahu, što časta ŭ vitrynach raźmiaščajecca infarmacyja ab źnižkach na zamiežnaj movie — sale. «U takim vypadku nieabchodna ŭ adpaviednaści z patrabavańniami zakona raźmiaščać infarmacyju na ruskaj, biełaruskaj movach, vykananuju ŭ takim samym pamiery, što i anhłamoŭny nadpis», — rastłumačyła jana.
Namieśnik ministra kanstatavała, što rekłama pavinna być dakładnaj i nie ŭvodzić u zman spažyŭcoŭ. Zhodna z art.26 zakona «Ab rekłamie», rekłama, u jakoj źmieščany niedakładnyja, niesapraŭdnyja źviestki ab canie tavaru, źjaŭlajecca niadobrasumlennaj i zabaroniena da raspaŭsiudžvańnia. Art.12.15 KoAP Biełarusi ŭstanoŭlena administracyjnaja adkaznaść za takija parušeńni ŭ vyhladzie štrafu dla IP — ad 10 da 40 bazavych vieličyń (ciapier składaje Br180 tys.), dla arhanizacyj - ad 20 da 50 bazavych vieličyń.
U studzieni-vieraśni 2015 hoda Minhandal skłaŭ 186 pratakołaŭ pa administracyjnych parušeńniach zakanadaŭstva ab rekłamie.
