9-11 śniežnia 2015 hoda Ministr infarmacyi Lilija Ananič u składzie dziaržaŭnaj delehacyi Respubliki Biełaruś naviedała Achšabad (Turkmienistan) dla ŭdziełu ŭ mierapryjemstvach Nacyjanalnaj vystavy-kirmašu Respubliki Biełaruś, paviedamlaje pres-słužba Mininfarma.
U ramkach Nacyjanalnaj vystavy Ministerstvam infarmacyi arhanizavana ekspazicyja, jakaja pradstaŭlaje najlepšyja dasiahnieńni knihavydańnia Biełarusi. U chodzie naviedvańnia Alaksandram Łukašenkam vystavy-kirmašu Ananič prezientavała kiraŭniku dziaržavy vydadzienuju ŭ ramkach realizacyi prahramy Mininfarma knihu prezidenta Turkmienistana Hurbanhuły Bierdymuchamiedava «Imia dobraje nieŭmiručaje» ŭ pierakładzie na biełaruskuju movu.
Taksama Ministerstvam infarmacyi Respubliki Biełaruś sumiesna z RVU «Vydaviecki dom «Źviazda» ŭ ramkach vystavy praviedzieny kruhły stoł «Suhučča: ahulnaść tvorčych pošukaŭ piśmieńnikaŭ Turkmienistana i Biełarusi» z udziełam biełaruskich i turkmienskich litarataraŭ i dziejačaŭ kultury. Da Nacyjanalnaj vystavie-kirmaša prymierkavany admysłovy vypusk časopisa «Biełaruś.Belarus», pryśviečany ŭsiebakovamu supracoŭnictvu našaj krainy z Turkmienistanam.
