Reuters
Pieršaja biełaruskaja nobieleŭskaja łaureatka Śviatłana Aleksijevič viartajecca z cyrymonii ŭznaharodžvańnia 15 śniežnia rejsam «Biełavija» sa Stakholma. Samalot pavinien pryziamlicca ŭ Nacyjanalnym aeraparcie Minsk u 16.35, numar rejsa V2 0856.
«Nichto ž nie sumniavajecca, što sustrečy na dziaržaŭnym uzroŭni nie płanujecca? Tak što pryjdziecca samim arhanizavacca. Davajcie nie padkačajem, sustreniem našu hierainiu jak maje być!» — prapanoŭvajuć karystalniki sacsietak.
Śviatłana Aleksijevič stała pieršaj hramadziankaj Biełarusi, jakaja atrymała Nobieleŭskuju premiju. Dziaržaŭnyja ŚMI nie tranślavali cyrymoniju ŭznaharodžvańnia ŭ žyvym efiry, abmiežavalisia infarmacyjnymi paviedamleńniami. Ministerstva kultury Biełarusi pavinšavała łaŭreatku telehramaj.